دارت الأيام مدري كانت الرحلة مثيره

دارت الأيام مدري كانت الرحلة مثيره

دارت الأيام مدري كانت الرحلة مثيره
المهم ان المراكب سافرن ماودّعني
لوّحت كف الفراق لخنجر الوقت الشطيره
والدروب الموحشه عن فرحةاللقياحدني
جفّت أوراق الصبروالحلم مدري وش مصيره
لين ضاع العمر مابين الحقيةوالتّمني
كان عشقي في صباي وعشت برده مع هجيره
والحصيل اطلال مابين الحنايا شاغلني
ياغرامي جعلها لك من سفيره في سفيره
كيف صدّقت الزمن لين الليالي وهقني
ياقصيدي ليت وقتٍ صابنا شرّه وخيره
تاقف ركابه وترجع للسنين اللي مضنّي
ذكريات وناس واحلام وسواليفٍ كثيره
كل ماحنّت مجاهيم الليالي هيضني
الهوى مثل البحروالشوق والذكرى جزيره
كل ماسافر لها مركب خيالي شاغلني
والله اني مادريت ان الغلا لعبه خطيره
لين نوّخت الرّكايب فالقلوب اللي دعني
كنت طفل صغيرواحلامي على قدّي صغيره
راس مالي ضحكةٍ بيضا وقلبٍ مرجهني
كنت عايش فالخيال وكانت احلامي فقيره
ابني آمالي على وهم وخيال وخاب ضني
وابتديت اكبر وصارت شرهة احلامي كبيره
والنجوم البيض من حولي تبين وتختفني
ماشغلني بالهوى والشوق نوف ولاسميره
ماذبحني غيرجرحٍ بالحنايا ممتحني
بس اقلّب ذكرياته بين هم وبين حيره
واتناسا لحظه انساها واهيجنها واغني
عايشٍ في حبّها مابين شوق وبين غيره
مرةٍتقفي بي احلامي ومرّه يقبلني
واستمرّت رحلة ايامي على نفس الوتيره
لين شيّبت القصايد والقصايد شيّبني
الجروح الداميه قلبي لها مربى وديره
انض ضوت في دارها وان كان راحت ماتثنّي
يازمن مشكور جرحٍ صاب قلبي فيه خيرة
اشتعل جمر القصيد من الجروح اللي كوني
وانتثرشوقي قصايد للجماهير الغفيره
والعيون اللي ليا لدّيت فيهن ريّحني
يامطر ياخوك انا جالي مع الايام سيره
والليالي عن هواي ورغبتي ماغيّرني
حنّ قلبي للحبايب والله اعلم بالسريره
مير فارقت الليال الماضيات وفارقني
قلتها وانا مكاني في مقدمة المسيره
وان حصل وحده من الثنتين رد العلم عني

» مدري علامي صرت ضايق ومليت
» "الحافلة الخارقة" تصل للإمارات وتختصر زمن الرحلة بين أبوظبي ودبي إلى 30 دقيقة